Gúmmítúttur eru töff!!

16 dagar þar til Kallinn kemur

Sat, 25 Aug 2007 09:08:08 GMT

Við Korka erum orðnar einar í búinu, mamma fór heim í morgun. Ekkert gaman!! Það er búið að vera þvílíkt næs að hafa hana. Við erum búnar að dröslast út um allan bæ og kaupa og kaupa alls konar. Mest gaman!! :D Reyndar ekki eins gaman að fara alltaf heim í strætó... með lódaðann vagninn svoleiðis að það er ekki pláss fyrir Korku í honum. Tvær kerlingar að versla.... Úff, endar alltaf með ósköpum!!

Við fórum í gær að kíkja á dagmömmuna hennar Korku... Hún er algjört yndi! Hún heitir Helle Jensen (ekki Helle Hansen eins og ég hélt). Alveg meiriháttar, er búin að vera dagmamma í 11 ár hjá kommúnunni og er með reglu og sýstem á öllu hjá sér. Ég fíla það! Krökkum (og öllum) líður langbest í ákveðnum ramma. Hún gefur engann sykur, nammi, kex, kökur eða neinar matvörur sem innihalda mikinn sykur. Hún reykir ekki og hún er með matjurtagarð í garðinum sem krakkarnir hjálpa henni með. Hún á RISAstóra kisu sem heitir Buller og hann er grár og alveg eins og eldgamall kall í framann. Og hann elska börn, þau mega alveg hnoðast á honum... Garðurinn er ótrúlega stór og það er kofi í honum og fullt af barnaleikdóti. Ég er alveg að fíla þessa konu í ræmur!! Vonandi á Korku eftir að líka vel þarna.

Ég var í grillveislu í gær í garðinum og var að rífast pínulítið, vegna þess að mamma og pabbi keyptu grill fyrir íbúðina um daginn. Og áður en grillið var vígt þá voru kerlingapu**urnar í blokkinni mættar á hurðina til að láta okkur vita að það væri bannað að grilla á svölunum í húsinu. HVURS LAGS REGLUR ERU ÞAÐ!!!!!!! En jæja, ég var að rífast um þetta í gær og ég fékk alls kyns mismunandi argument fyrir þessu.... Misgóð, en allavega ein fékk mig svolítið til að hugsa. Ef maður er að grilla í góðu veðri og þokkalegu logni. Berst þá fullt af reyk inn í íbúðirnar fyrir ofan??? Ég bara spyr, ég hreinlega er ekki klár á því. Það hljómar alveg lógíst, en samt eitthvað svo ósennilegt. Ég er reyndar alveg sammála því að það er frekar ógjó að fá íbúðina sína fyllta af reyk, sérstaklega ef það hefur verið 30 stiga hiti yfir daginn.

En hvað segiði, gerist þetta? Fyllast íbúðirnar af reyk og kjótlykt ef grillað er á svölum?

Heyrumst síðar.... Mon

Loksins komin til Dammó aftur!!

Tue, 21 Aug 2007 20:58:20 GMT

Jæja, konan og litla sponsið eru aftur komnar til baunalands... óóó hvað það er gott. Gott veður, ódýrar búðir og bjór og dansandi fólk á hverju götuhorni. Djö elska ég þessa borg!!

EN jæja... pabbi var hérna fyrstu 2 dagana okkar, farinn samt frá okkur. Við vorum engan veginn að fíla það og ekki hann heldur. EEEeeeen vinnan kallar. Og við kerlingarnar, þrír ættliðir erum hérna að koma okkur fyrir.

Korka fékk síðbúna skírnargjöf frá mormor og morfar, þennan líka megaflotta TrippTrapp matarstól :) Og allir á heimilinu eru að fíla hann í klessu...

Kalli er ekki alveg eins mikið að fíla sig, enda alveg rúmar tvær vikur í að hann fái að njóta Köben. Hann ætlar að vera heima og ganga frá íbúðinni, selja bílinn og kaupa nýjan... Skrifa ritgerð og ég veit ekki hvað og hvað hann ætlar að gera á þessum tveim vikum sem hann verður einn heima. Hann var, ótrúlegt en satt að hafa áhyggjur af því að honum mundi leiðast... ISSS glætan!! :)

Nú biðjum við bara að heilsa úr góða veðrinu! Heyrumst fljótt aftur...

Yfir og út! Mon

Hvað er málið með þessa flensu!!

Mon, 12 Feb 2007 23:39:00 GMT

Haldiði ekki að kjellingin sé komin með flensu nr. 2 í þessari viku! Fyrst var það gubban og núna er það ekta flensa með hita og öllu... Meiri vitleysan. Kalli er í vinnunni og ég var að tala við hann áðan og hann var að segjast kominn með illt í hálsinn... Ætlar þetta engan enda að taka. Fyrst Uni buni svo mamma og pabbi, ég gubban svo ég flensan og svo núna Kalli. Magnað að Korka bara situr hjá og hlær að okkur öllum vitleysingjunum. Hún er soddan hörkutól ;)

Annars kom amma frá Akranesi til að passa okkur Korku á meðan pabbinn var í vinnunni. Ég var svo vonlaus úr flensu að ég var ekki að megna að sjá um matinn og barnið og sjálfa mig.... Allt of mikið verk eitthvað... Ég fékk alveg vonleysistár í augun við bara að hugsa um það. Og þá kom amma til bjargar!! Algjört yndi... var með okkur og sá um allt hérna á meðan ég hékk í sófanum og fylgdist með... Takk fyrir okkur amma!!

Í gær kom annars hin amman okkar úr Garðabænum, hún kom til að sækja bílinn sinn, kíkti inn og tók að sér eldamennskuna svo ég gæti verið lasin í rúminu og Kalli gæti setið og skrifað ritgerð... Hún er líka bestust í heimi! Takk fyrir okkur amma :)

Fullt af þökkum hægri vinstri hérna... Gott að eiga góða að!

Við elskum ykkur!!

Veikindi...

Fri, 09 Feb 2007 19:04:00 GMT

Allt í einu allir veikir á heimilinu...

Ég varð svaðalega hrikalega lasin í maganum í gær og gubbaði og gubbaði heima hjá mömmu og pabba. Kalli tók við af mér, reyndar gubbaði ekki en var að drepast í maganum í alla nótt.... Held nú samt að það hafi eitthvað spilað inn í að háskólakosningarnar fóru ekki eins vel og var vonað. Vaka tapaði manni yfir til Röskvu. Ég finn til með ykkur krakkar!... Og svo lagðist mamma í morgun með 38 stiga hita. Meira ástandið! Korka var eitthvað pirr í morgun og hóstaði heilan helling og fullt af slími, en það virðist hafa lagast heilmikið.

Thea megababe kom í heimsókn til okkar í gær... Alltaf svo gaman að fá hana í heimsókn frá Danmörkinni! Hún var með fullan poka úr fríhöfninni og fullan poka úr H&M fyrir okkur! Algjör snilli þessi elska... Ég er svo mikið farin að hlakka til að fara til dk og versla! Fjúff... get ekki beðið...

Amman frá Akranesi er á leiðinni til okkar. Hún er líka bara engill! Hún er í búðinni fyrir okkur lasarussana... Hún er svo mikið yndi!

Ohh well hún er komin... Heyrumst síðar! Góðar stundir... Tata

Og lífið heldur áfram....

Mon, 05 Feb 2007 10:27:11 GMT

Jæja elsku vinir...

Komið nýtt ár segiði ha! ;)

Staðan er sú...! Það er lítið barn kvartandi á gólfinu við hliðina á mér, það er snjór og frost úti, skólabækurnar mínar standa enn óopnaðar á borðinu, reyndar er klukkan bara 10:12.... En alveg sama... og mig langar mest í ræktina. Svo er ég að drepast í maganum af alltaf sterkum kaffibolla! Foj hvað það er svart eitthvað...

Ég er alveg að spá í að tjilla smá, klára eitraða kaffið, klæða mig í æfingafötin, gefa Korku brjóst, henda henni inn í svefnó til Kalla og drulla mér bara í ræktina... Er það ekki alveg plan?

Fyrir utan það að ég er alveg viss um að ég lesi miklu betur og meira ef ég fer að sprikla pínu.

Þetta með veðrið er víst lítið hægt að gera við.... Svo ég stefni á að halda bara áfram að kvarta yfir því! Svona eins og fúl og bitur húsmóðir í Breiðholtinu.... Ekki það að ég sé eitthvað bitur.... Kannski bara rétt núna í nöturleika frostmorgunsins...

Gleðilegt ár gott fólk!!

Sat, 06 Jan 2007 14:25:34 GMT

Jæja.. hvað segiði þá! Kellingin bara alltaf eitthvað upptekin í þessu nýja barni sínu, enginn fær neina athygli. hehehe... Þetta á sko ekki eftir að lagast... Núna er ég að spá í að fara að leggjast í próflestur, drífa af eitt próf í lok júní. Þá er ekki seinna væna en að taka upp gömlu skruddurnar og sökkva sér í bókalestur. Anatómía - anatómía - anatómía... Nóg að lesa!

Ég er svo mikið búin að spá í það hvað ég sakna stærðfræði... Ég man alltaf í barnaskóla og í menntaskóla, þá þraukaði ég í gegn öll prófin því ég sá alltaf stærðfræðina sem svona verðlaun mitt í öllum próflestrinum... Og ég ELSKAÐI að lesa fyrir stærðfræðipróf og að taka stærðfræðipróf... NÚNA KOMA ENGIN STÆRÐFRÆÐIFRÓF!!! Það er svo mikið leiðinlegt... Ætli ég verði ekki að taka gráðu í stærðfræði svona til að svala stærðfræðiþorsta mínum. Ég get alveg grenjað yfir þessu stundum... Af hverju er ekki fullt af stærðfræði í læknisfræði!!! Bara eðlisfræði og efnafræði *grátur&gnístur.tanna*

Varð að fá að væla aðeins...

Ég bið að heilsa ykkur í bili! Knús&KossaR...

Monika og Korka

Þá er komið að því...

Sun, 03 Dec 2006 00:37:01 GMT

Haldiði ekki að kjellingin hafi fundið smá tímarúm milli bleiuskifta og brjóstagjafa til að útbúa barnanet-síðu!! Reyndar ennþá hellingur í að hún verði tilbúin, en það eru komnar nokkrar myndir, svo endilega farið og kíkið:

www.barnanet.is/olafiakorka

BÚIÐ AÐ SKÍRA!!

Mon, 27 Nov 2006 12:43:07 GMT

Hvað segir fólkið mitt gott!! :) Allir alveg að verða vitlausir yfir þessu skrifleysi mínu hérna... hehehhe... Common people!! Ég var að verða mamma...

Það er svo gaman í þessu nýja hlutverki mínu... jeremías minn!! Ég er strax byrjuð að plana næsta :D

Við skírðum í gær. Fröken fallegust heitir Ólafía Korka. Hún heitir Ólafía í höfuðið á uppáhaldsömmunni hans Kalla, ömmunni sem kemur alltaf og talar við hann í draumi. En Korka heitir hún út í bláinn. Hún er eini núlifandi Íslendingurinn sem ber þetta nafn og það er búið að vera þvílíkt vesen að fá nafnið í gegn. Það þurfti að fá það samþykkt af mannanafnanefnd og það þurfti að gerast á örfáum dögum... Það fór allt á fullt, fólk héðan og þaðan fór að vinna í þessu fyrir okkur... Ótrúlegt hvað Íslendingar eru meiriháttar hjálplegir þegar maður þarf á því að halda. Ég lofa ykkur því að þetta hefði ALDREI gengið í danmörku. En jæja... Eftir blóð, svita og tár þá tókst okkur að pota nafninu í gegn um kerfið og gera það löglegt 2 dögum fyrir skírn. Presturinn var mjög sáttur, þar sem það var búið að hóta að kæra hann ef hann skildi gefa þetta nafn... Þetta er búið að vera meira ruglið... Út af þessu ótrúlega íslenska nafni!! Meiri vitleysan.. hehehe...

En staðan er sú... Við ætlum að kalla dömuna Korku, en það er öllum velkomið að kalla hana Ólafíu SVO LENGI sem nafnið verður ekki stytt... Ef hún verður kölluð Olla eða Óla eða eitthvað þá erum við ekki vinir lengur!! hehehhe... það er ekki töff að vera pínulítill og vera kallaður Olla... það er gömlukonunafn!! Ég er ekki að djóka!! Ég verð stjörnuvitlaus ef þið reynið... So no jokes about it!! hehehheh

Skírnarveislan var alveg meiriháttar... Það voru milljón manns heima hjá mömmu og pabba. Ekkert smá yndislegt fólk sem við þekkjum og erum skild... Eiginlega bara allir komu sem var boðið og það var ótrulega þægilegur og góður andi í húsinu þótt þröngt væri (eða eiginlega bara alveg stappað)... Meira að segja hundurinn varð feiminn í allri þessri mannmergð. Og þá er mikið sagt...

Það eru alveg að koma fleiri myndir! Endilega bara tjekkið í dag eða á næstu dögum og þá vonandi verð ég búin að redda þessu... Samt ekki reikna með því! hehehhe... Ég er ekki sú framtakssamasta í augnablikinu hehehhe... Er eiginlega bara að horfa á Korku allan daginn og geri ekkert annað.

Jæja.... Við fallega fólkið í Breiðholtinu kveðjum að sinni... Lesiði bloggið oft og vel og njótið þess vel.... Prentið jafnvel út og hafið eintak á klósettinu.... því það á pottþétt ekkert nýtt eftir að koma lengi... hehehhe

TATA

It´s happening today!!! SJETTUR

Thu, 16 Nov 2006 13:47:34 GMT

UPPÁHALDS LITLA FJÖLSKYLDAN YKKAR Í ÖLLUM HEIMI-GEIMI ER AÐ KOMA HEIM Í KVÖLD... JIBBÍJEII!!!

VIÐ LENDUM KLUKKAN 2230 OG FÖRUM Í ÖMMU&AFA-PARTY :)

ÖLLUM ER VELKOMIÐ AÐ HRINGJA Í OKKUR Á MORGUN... *KNÚZ*

PICSPICS*

Tue, 14 Nov 2006 03:13:13 GMT

Heyja píbúl!! Ég setti inn nokkrar nýjar myndir áðan... ég reyndar dauðskammast mín fyrir að hafa ekki tekið fleiri myndir... Við erum ekki alveg að standa okkur í þessu!! :)

Klukkan er 0400 og það eru allir vakandi hérna. Fröken fallegust er alveg búin að endurskipuleggja svefntímann á heimilinu :) Ekki það að mamman sé eitthvað ósátt við að fá að vaka á nóttunni og sofa lengi lengi frameftir... Það er uppáhalds!! heehheh... Vonandi að daman haldi áfram að vera B manneskja, þá ætti hún að passa ansi vel inn í heiminlislífið hérna hehehe...

Ég bið að heilsa bara í bili.. Ég er farin að pakka meira!! JÚBBÍÍííÍÍ!! Ég er að pakka!!! Við erum SVO alveg að fara að koma... *Spenningur*

KNúZ

Við erum alveg að koma!!! Eftir 4 daga!!!

Sun, 12 Nov 2006 22:08:01 GMT

Hæ allir!! Rosalega þykir mér vænt um hvað margir eru búnir að kíkja á okkur hérna og skrifa okkur kveðju... I love you guys!! *SmOOch*

Það er af okkur að frétta er það að mamman er að fara að kæra lækninn sinn!! Hún er allavega alveg snarbandbrjáluð út í þetta fífl!! Ég er búin að vera að drepast, í orðsins fyllstu merkingu, í klofinu í heila viku ca. Þetta byrjaði 4 dögum eftir að snúllan fæddist og versnaði bara og versnaði... Ég fór til fíflsins á miðvikudaginn síðasta og skoðaði mig uppúr og niðrúr og sagði að það væri engin sýking og allt liti vel út þarna niðri. Ég væri ekki með hita og ég skildi bara hringja ef ég fengi hita, þá myndi han gefa mér penicillín. Daginn eftir fórum við Karlos með dúlluna okkar í blóðprufu á spítalann og heyrnapróf. Þar sagði hjúkkan mér að fara aftur til læknis og láta athuga hvort ég væri með blöðrubólgu.. Ég geri það og segi lækninum að hjúkkan hafi sagt mér að koma aftur. Ég veit ekki hvort hann hafi orðið móðgaður eða hvað, allavega þá skilaði ég þvagprufu og hann var geðveikt pirraður. Daginn eftir hringir hann í mig og segir að það sé ekkert í þvaginu hjá mér og það sé allt í lagi með mig!!! Mig langaði svo mikið að fara bara að hágráta... og ég hélt áfram að garga á klósettinu á meðan ég brann í klofinu á meðan ég pissaði... Fokk hvað það var vont!! Ég gafst upp á föstudagsnóttina og ákvað að hringja á læknavaktina til að bara heyra hvað þeir segðu. Þá fékk ég viðbrögð sem ég bjóst aldrei við að fá... Daman sagði að hún skildi senda lækni heim til mín... Um miðja föstudagsnótt kom læknir til mín!! Ég hefði aldrei trúað þessu upp á dani... Þetta er náttúrulega algjör snilld!! Þessi læknir var heavy fínn... Hann rabbaði við mig í smá stund, kannaði þvagið og var eiginlega alveg viss um að ég væri með blöðrubólgu... Hann gat ekki séð það 100% því maður verður að senda þvagið í ræktun en út frá því sem hann sá þá var hann 95% viss. LOKSINS fékk ég penicillín og núna fyrst er ég að lagast... Þetta er búið að vera meiri vikan...

Jæja... búin að væla í ykkur... Best að hringja í einhvern til að halda áfram að væla... hehehhe

Ég er búin að bæta við fleiri myndum af krúttinu okkar á linkinn "fröken fallegust" undir "skemmtilegt" og ég ætla að reyna að vera dugleg að bæta við jafnt og þétt þangað til það verður búin til barnalandssíða :)

Við biðjum rosalega vel að heilsa!! Hlökkum til að sjá ykkur þegar við komum heim.. KnúZ .....Við og snúllan :)

Guess what!! :þ

Sun, 05 Nov 2006 15:19:17 GMT

MYNDIR....MYNDIR....MYNDIR....MYNDIR!!!

ÞAÐ ER LINKUR UNDIR "SKEMMTILEGT" SEM HEITIR "FRÖKEN FALLEGUST" ....ÞAR ERU MYNDIR AF GULLMOLANUM :)

Takk allir fyrir kveðjurnar!! Ótrulega gaman að sjá hvað það eru margir að fylgjast með :)

Lots of LUV!! Frá okkur öllum *KossaR* :D

Sagan af stúlkunni sem ákvað að slá fæðingar-hraða-heimsmet!! :)

Thu, 02 Nov 2006 23:38:30 GMT

Ég veit eiginlega ekki hvar ég á að byrja.. Úff!! Ég veit bara að við erum í hamingjuvímu hérna :haha:

Fyrir akkúrat sólahring síðan var ég nýkomin heim úr bænum með fulla poka úr H&M.. ekki með vott af samdráttum og eiginlega bara með áhyggjur af því að dúllan okkar ætlaði sér alls ekkert að koma í heiminn á þessu ári!! Ekkert benti til þess að ég væri að fara af stað...

Sökum grindargliðnunar var það ekki inni í dæminu að hlaupa upp og niður tröppur eins og mælt er með til að koma fæðingunni af stað. Ég ákvað að útfæra hugmyndina svoleiðis að ég gæti skoppað svolítið líka og sendi Kalla niður í kjallara eftir trampólíninu mínu (af hverju í ósköpunumá ég trampólín... jæja) Ég skoppaði á þessu apparati í ca 15 mín. yfir dönsku stand-uppi í sjónvarpinu... Ekkert mega hopp, bara alveg rólegu... Í næstu klósettferð missti ég vatnið!! Þetta var í kring um miðnætti.

Ég vissi ekki að ég væri að missa vatnið, það lak mjög hægt og hætti oft. Ég stóð upp og tók eittt skref og fann þá að allt væri að fara að leka aftur. Ég sat á klósettinu örugglega í 20 mín. Dreif mig þá í sturtu og byrjaði að fá smá verki þar, sem jukust svoleiðis að það endaði með því að ég staulaðist ennþá hálfblaut upp í rúm svo ég hryndi ekki í gólfið (fyrir þá sem ekki vita þá er ég fainter... það líður yfir mig við mikinn sársauka.. Svo ég fékk miklar áhyggjur af því að það liði yfir mig... en það gerðist sem sagt ekki! Úff... sem betur fer!!) Þar byrjuðu hríðarnar á fokkin fullu!! Ég trúði því ekki að þetta væru hríðar því þær voru stanslaust! 2 mín á milli hríða og hríðarnar alveg heil mínúta... Ég sá þrefalt!!

Ég hringdi í ljósuna mína og hún sagði mér að taka panódíl og reyna að sofna. Þetta gætu ómögulega verið að gerast svona hratt þar sem ég væri nýbúin að missa vatnið og hríðarnar bara búnar að vera í mesta lagi klukkutíma. Ég bara trúði því sem hún sagði, ég hlyti bara að vera einhver væluskjóða og þetta væri allt saman mjög eðlilegt... Ég reyndi í alvöru að slaka á undir sæng og vonaði að bráðum færi panódílið að virka... drottning bjartsýninnar!! hehehhe!!! Kalli horfði á mig græna og fjólubláa í framan til skiptis.. Þar sem ég var alveg að fara að æla í hverri hríð.. Hann hélt í sér alveg til 0245 og þá neitaði hann að hlusta á bullið mér lengur, lamdi í borðið og sagði að ég bara réði þessu ekki meir... Núna værum við að fara upp á spítala!! Við hringdum á taxa og 15 mín seinna kom taxi með mesta snilldartaxabílstjóra sem við gátum beðið um! Hann átti 5 börn og honum fannst æðislegt að fá að vera með í þessu! Hann róaði okkur helling og meira að segja þegar við komum á spítalann hljóp hann inn og fann fyrir okkur hjólastól og hann gekk með okkur inn og hjálpaði okkur að finna fæðingardeildina... Algjör snillingur!!

Klukkan var orðin 0345 þegar við vorum loksins komin upp á deild og þar tók á móti okkur ljósa sem var ekki okkar, hún beindi okkur inn á biðstofu þar sem við áttum að bíða eftir okkar ljósu... 2 mín seinna gargaði ég á Kalla að hringja öllum bjöllum því ég yrði að fá einhvern strax til að kíkja á mig!! Kalli stóð sig eins og hetja og togaði í alla spotta sem hægt var að toga í og ýtti á allt sem stóð á alarm! Hehehehh.. það voru víst neyðarbjöllur svo að engu munaði að hjartahnoð-gengið kæmi í öllu sýnu veldi að taka á móti barninu... Hjúkkunni tókst að stoppa það af... hehehhe... En alveg róleg sagðist hún ætla að skoða mig og sjá hvað ég væri komin með í útvíkkun. Ég lá í rúmi með engu laki á biðstofu... Þegar hún var búin að tjekka mig þá bað hún Kalla að rétta sér pissulak, leit í augun á mér og sagði... Í næstu hríð skalltu rembast eins mikið og þú getur, hún ætlar að koma núna!!

5 rembingum síðar var litla skottið komin í hendurnar á mömmu sinni :D Þvílík hamingja...

Hún var 14,5 merkur (3622 gr), 53 cm og auðvitað fallegust í heimi!!

Þetta sem sagt var all natural fæðing… Engin lyf og ekki neitt… Ég sem ætlaði svo mikið að notfæra mér læknavísindin!! Og ég ætlaði líka að prófa pottinn og fæða á 4 fótum... Þetta var eiginlega bara allt allt öðruvísi en ég bjóst við. En ég er samt mjög ánægð með hvernig þetta fór allt saman! Og ef ég þyrfti, þá mundi ég alveg ganga í gegn um þetta allt aftur í næsta mánuði.. Þó það hafi verið vont þá var það svo brjálæðisleg tilfinning að fá gullið sitt í hendurnar... Og við erum ennþá í þvílíkri sæluvímu!!

Vá hvað þessu stutta ferli tókst að verða að langri frásögn...

Ég bið að heilsa ykkur í bili!! Ég er farin að dást að dúllunni minni

Kærar kveðjur,

Monika... orðin mamma!!

8 dagar í settan dag!! SJETTUR :þ

Mon, 30 Oct 2006 12:34:32 GMT

Hvað segiði gott elsku vinir!!

Bestasti Kallinn minn er loksins kominn til mín til að aðallega dekra við mig á meðan við bíðum eftir dúllunni okkar... Reyndar kom hann fyrir svolitlu síðan.. síðasta fimmtudag. Ég er bara svo léleg að láta vita af svona stórviðburðum!! Mamma sæta er farin frá okkur. Hún fór í gær... Sem var mjög leiðinlegt því auðvitað vildum við að hún fengi að sjá dömuna áður en hún færi. En skvísan var ekki með á því... Hún ætlar að vera í maganum á mömmu sinni til jóla erum við farin að halda... Það er greinilega SVO notalegt!!

Við erum búin að fá fullt af gestum síðustu daga... Sem er algjört æði!! Thea og Jens komu í fyrradag áður en þau fóru í bíó, svo kom Birna og var með okkur í eftirmiðdaginn í gær.... Og svo eftir kvöldmat komu Eva og Einar!! Endalaust gaman :) Bara ef allir dagar væru svona þá væri tíminn ekkert lengi að líða...

Eva var einmitt nýbúin að vera á 2nd hand túr í Köben og búin að kaupa sér tvö pör af skóm fyrir kúk og kanil! Ohh hvað ég get ekki beðið eftir að getað gengið aftur eðlilega og farið í búðarmarathon...Sjettur hvað það verður sweet! Næsta sumar, eftir próf... Shoppa með barnavagn!!! hehehe JEIJJ!! Er það ekki alveg hægt... Allt er hægt ef viljinn er fyrir hendi... Ekki spÖrning!!

MTV Europe music awards er haldið í Köben núna 2. nóvember. Hátíðin er haldin á tveimur stöðum... þetta er svo mikið rugl! En allavega, þá er allt fræga fólkið einhvers staðar í íþróttahöll eða eitthvað að taka við verðlaunum á meðan allir áhorfendurnir eru allt annars staðar, í annarri íþróttahöll að horfa á allt gerast á risaskjá... Svolítið fyndið fyrirkomulag á þessu öllu. Það besta við þetta allt saman er að til að fá að vera áhorfandi þurfti fólk að standa í röð (milljón km langri röð) í marga klukkutíma til að vera metið af MTV. Það komu ca 10 inn í lokað herbergi í einu, var spilað geggjað popplag og þessir 10 áttu að tryllast úr gleði, öskra og dansa og svo var gefin einkunn fyrir frammistöðu, útlit og energy! Ef einhver fékk nógu góða einkunn þá má sá hinn sami vera ÁHORFANDI á MTV hátíðinni í ljótum íþróttasal að horfa á risaskjá!! Úff... þetta glanslíf! Bara ef ég væri svona töff... hehehhe...

Bið að heilsa í bili.... Vonandi verð ég orðin mamma næst þegar ég heyri í ykkur!!

Knús frá Köben

Nóvemberbumburnar eru byrjaðar!!!

Mon, 23 Oct 2006 14:18:15 GMT

Ótrúlega skemmtilegar fréttir.. Krissa, ein úr óléttugrúppunni minni á netinu, er byrjuð með hríðir!! Byrjaði í morgun kl. 0400 og hún er búin að fara upp á deild og fá að vita að allt sé að ske! Og sennilegast á morgun verður hún komin með dúlluna sína í hendurnar. Við mamma erum alveg í því að senda fæðingarstrauma á fullu... Gangi þér vel Krissa mín!!

Birna kom til okkar áðan og er búin að vera hjá okkur hellings lengi með dverginn sinn... Mamma er alveg búin að tryllast í ömmuhlutverkinu, ganga um gólf og rugga og hossa á fullu.. Ótrúlega gaman :)

Við tókum okkur til og settum vagninn okkar fína saman. Hann er svaðalega flottur!! Stendur glansandi fínn á miðja stofugólfinu... við hliðina á rimlarúminu!! Ég vil nefnilega hafa allt fyrir framan mig... Ekki alveg tilbúin að loka allt inni í herbergi strax... hehehe... Mér er alveg sama þó að stofan sé full af barnadóti þegar það koma gestir!! Fólk hlýtur að skilja það að ég er ólétt í fyrsta skipti... og með óléttu/barnadellu á mjög háu stigi...

Jæja... feitubollan biður að heilsa! Adios amigos!!